مسجات طريفة‏

ياليت قلبي لك عصيده ومرقوق
والروح لك خبزه وحبي لك إيدام
وإن كان نفسك تشتهي بيض مسلوق
هذي عيوني لك مقلقل من العام
والكبد محموسه على الشوق برفوق
واما الحلى انت الحلا وسكر الشام


صوتك هديل ونفحة انسامك عطر فرساتشي
يا اطيب من الفودكا مع الكافيار وثمار الفريزو
غلااك عندي فوق باكستان حبا في كراتشي
وأكبر من محبة أهل تشيلي لمرفأ فلبريزو
بنيت لك قصر مثل قصر الامير آتشي
على ضفاف بحيرة التنين في غابة شيميزوو


ياليتني في حاره الزين خباز
أسابق المذن واسوي عجينه
ابيه لاصار للخبز معتاز
امد له الخبز والمس يدينه
و اولع التنور وارفع على الغاز
ولو احترق فدوه لرمشه وعينه


دقة نغمة رساله وقلت يالله عسى خير
وانا ثلاث ايام محدن ذكرني
فتحتها بلهفه من الفرح بطير
واقول ياحظي من اللي افتكرني
اثره الجوال يرسل فواتير
هو الوحيد اللي ابد ماهجرني


مادام حبك عسل مخلوط بالقشطه
لاتلوم قلب شرا بريال صامولي


قرمَشت قلبي قرمَشَة كيس فشفاش
بيديـن طفله عـاجـزه لاتفكّـه
مستانسه تضحك على طاش ماطاش
والكيس بيديها بقوّه تحكّه
من بين اصابعها يخرفـش تخرفـاش
وبسنونهـا تضغـط عليه وتمكّـه
خلّيت قلبي بيـن سَنتَر وقشاش
وإستبدل النبضه برجفه وعَكَّـه

فكرت اخطفك آخر الليل وانحاش
وصممت من قلبي انفذ قراري
وفعلآ لبست احزام ناسف ورشاش
ونويت اسوي لك هجوم انتحاري
ماني بأرهابي ولاني بغشاش
لاكن جنون الحب مو بأختياري



قبل إتصالك تجي موبايلي حاله
يهتز لو ميـزة الهـزّاز ملغـية
يتنهّد مـن الفرح ويسـوق مـوّاله
وتظهر على شاشتـه ألعاب نارية
وإن جات للجد أنا متفهم أحواله
نبرات صوتك ترا ماهي طبيعية



علامك يا حظي الردي وشفيك منسدح ؟
إنهض يا مال الوجع قم غيّر أحوالي


وين أنت يارقمن له أيام مادق
وأنا من أول بالدقايق أدقه
حالي تدهور من صدودك ومندق
ياوالله إلي صاحبك ضاع حقه
كانك تقول من المراير تذوق
فما فيه كاسن مر إلا وذقته
إنكاني المخطي فتبشر بالحق
وإن كانك أنت المخطي فحقي سمحته
أتمنــى تعجبكم